MALAYSIAN INDIAN EDUCATION & ISSUES -3 (5/1/2019-30/06/2019)

11/6/19

9/6/19

தகுதி இல்லாத ஒருவருக்கு தமிழ்ப்பிரிவின் தலைமைப் பொறுப்பா??
புத்ராஜெயா, ஜூன் 9-
இந்நாட்டில் தமிழ் மொழியை சிறப்புற கற்று‌ முழுமையான தகுதியைப் பெற்று இருந்தும், போதுமான தகுதிகள் இல்லாத அல்லது குறுக்கு வழியில் தமிழ் மொழி சார்ந்த உயிரிய பொறுப்புகளுக்குச் சிலர் நியமிக்கப்படுவது என்பது நம் சமுதாயம் எதிர்நோக்கும் பிரச்சனைகளில் ஒன்றாகும்.
இந்த நிலை என்பது கடந்த கால ஆட்சியிலும் சரி புதிய மலேசியாவிலும் சரி தொடர்ந்து கொண்டுதான் வருகிறது. கல்வி அமைச்சின் உயர் அதிகாரிகளைக் கைக்குள் போட்டுக்கொண்டு முறையான தகுதியில்லாத நிலையில் தமிழ் மொழி சார்ந்த உயரிய பொறுப்புகளுக்குத் தங்களை முன்மொழிந்து அப்பொறுப்பினை அபகரிக்கும் படலம் தொடர்ந்த வண்ணமாக இருக்கிறது.
அந்த வகையில் மலேசியக் கல்வி அமைச்சின் கலைத்திட்ட மேம்பாட்டுப் பிரிவின் தமிழ்மொழி பகுதியின் தலைவராக அமர்ந்திருக்கும் திரு ராமநாதன் நாகரத்தினம் என்பவர் அப்பொறுப்பை வகிக்க முற்றிலும் தகுதியற்றவர் என தமிழ் ஆர்வலர்கள் பலர் கருத்து தெரிவித்துள்ளனர்.
மலேசியக் கல்வி அமைச்சின் கீழ் இயங்கும் கலைத்திட்ட பிரிவு என்பது பள்ளிக்கூடங்களுக்கான பாடத் திட்டத்தை தயாரித்து அதனை சரிவர ஆசிரியர்களுக்கு கொண்டு சேர்க்கும் ஒரு பணியினை மேற்கொண்டு வருகிறது. அதில் தமிழ் மொழிப் பிரிவு தலைவராக இருக்கும் திரு ராமநாதன் நாகரத்தினம் என்பவர் தமிழ்மொழியில் நிபுணத்துவம் இல்லாத ஒருவராகவே கருதப்படுகிறார்.
இது குறித்து ஆய்வு செய்த பொழுது திரு ராமநாதன் அவர்கள் தனது இளங்கலை பட்டப்படிப்பு முதுகலை பட்டப் படிப்பையும் தமிழ்மொழி அல்லாத துறைகளில் பெற்றிருக்கின்றார். அவரை அமர்ந்திருக்கும் பொறுப்பானது தமிழ் மொழியை ஆரம்பம் இடைநிலை, இளங்கலை மற்றும் முதுகலை இவை அனைத்திலும் முழுக்க முழுக்க தமிழ் மொழியில் நிபுணத்துவம் பெற்ற ஒருவர் அமர்ந்து இருக்க வேண்டிய பதவி.
அப்பதவியானது எப்படி தமிழ் மொழியில் நிபுணத்துவம் இல்லாத ஒருவருக்கு கிடைத்தது என்பது இங்கே கேள்விக்குறியாகிறது. நிபுணத்துவமும் திறமையும் தகுதியும் கொண்ட ஒருவர் இருக்க வேண்டிய ஒரு பகுதியில் இது போன்ற தகுதிகள் ஆற்ற ஒருவர் அமர்ந்து இருப்பது தமிழ் மொழியின் வளர்ச்சிக்கும் தமிழ் மொழி தொடர்பான கலைத்திட்ட உருவாக்கத்திற்கும் பெருத்த பின்னடைவை கொண்டுவரும் என்று தமிழ் ஆர்வலர்கள் பரவலாக கூறுவதாக அநேகனுக்கு செய்தி கிடைத்துள்ளது.
இது தொடர்பாக கல்வி அமைச்சுக்கு முறையான புகாரும் அனுப்பப்பட்டுள்ளதாக நம்பத்தகுந்த வட்டாரங்கள் கூறியுள்ளனர். இதுகுறித்து கல்வி அமைச்சு விரைவில் நடவடிக்கை எடுக்க வேண்டும் என்று பலர் தங்களது முறையீடுகளை கூறி வருகின்றனர்.
http://www.anegun.com/?p=32961#comment-885

2/6/19

20/5/19

4/5/19

3/5/19

25/4/19

24/4/19

23/4/19

22/4/19


21/4/19

20/4/19

19/4/19

18/4/19

17/4/19

16/4/19

மெட்ரிகுலேஷன் விவகாரம்: ஆட்சி மட்டுமே மாறியது! இந்தியர்களின் தலையெழுத்து?
Aegan ஏப்ரல் 16, 20193370

ஆட்சி மாறினால் மலேசிய இந்தியர்களின் வாழ்வாதாரத்தில் மிகப் பெரிய மாற்றம் ஏற்படும் என நம்பிய இச்சமுதாயத்திற்கு மிகப் பெரிய ஏமாற்றமே மிஞ்சியிருக்கிறது. உயர் கல்வி கூடங்களில் பயிலும் இந்திய மாணவர்களுக்கு போதுமான இடம் வழங்கப்படவில்லை என்ற குற்றச்சாட்டு தொடர்ந்து எழுந்த நிலையில் 2013ஆம் ஆண்டு பிரச்சனைக்கு தீர்வு காண முன்னாள் பிரதமர் டத்தோஸ்ரீ நஜிப் முன்வந்தார்.

தேசிய பொங்கல் விழாவில் கலந்து கொண்ட அவர் மெட்ரிகுலேஷன் கல்லூரியில் இந்திய மாணவர்களுக்காக 1,500 இடங்கள் பிரத்தியேகமாக ஒதுக்கப்படுவதாக அறிவித்தார். இந்த அறிவிப்பு மலேசிய இந்திய மாணவர்கள் மத்தியில் மிகப்பெரிய மகிழ்ச்சியை உண்டாக்கியது.

ஆண்டுதோறும் 500க்கும் குறைவான இந்தியர்கள் மாணவர்கள் மட்டுமே மெட்ரிகுலேஷன் கல்லூரியில் படித்து வந்தனர். இந்த எண்ணிக்கை 1500 ஆக உயர்த்தப்படுவதாக அவர் அறிவித்தார். பின்னர் 2014ஆம் ஆண்டு ஒதுக்கப்பட்ட 1,500 இடங்களில் 1300 இடங்கள் நிரப்பப்பட்டன.

இச்சூழ்நிலையில் கொடுத்த வாக்குறுதியை நிறைவேற்ற தேசிய முன்னணி அரசாங்கம் பிரதமர் நஜிப் தவறிவிட்டார்கள் என எதிர்க் கட்சியின் இந்திய தலைவர்கள் குரல் எழுப்பினார்கள்.( இப்போது இவர்கள் தான் ஆளும் கட்சி)

மெட்ரிகுலேஷன் குறித்த விழிப்புணர்வை இந்திய சமுதாயம் அறிந்து கொள்ள வேண்டும் என தொடர்ந்து பிரச்சாரங்கள் மேற்கொள்ளப்பட்டன. 2015 தொடக்கம் மெட்ரிகுலேஷன் கல்லூரியில் இணையும் இந்திய மாணவர்களின் எண்ணிக்கை 1500 வரை எட்டியது. அதன் பின்னர் அதிகமான மாணவர்கள் கல்லூரிக்கு விண்ணப்பம் செய்வதால் எண்ணிக்கை 1500 கடந்தது.
2013ஆம் ஆண்டு நடந்த பொங்கல் விழாவில் டத்தோஶ்ரீ நஜிப்

இதை அறிந்து 14ஆவது பொதுத் தேர்தலுக்கு முன்னதாக மெட்ரிகுலேஷன் கல்லூரியில் மேலும் 700 இடங்கள் கூடுதலாக இந்திய சமுதாயத்திற்கு வழங்கப்படும் என நஜிப் கூறினார். ஆகமொத்தம் இவ்வாண்டு மெட்ரிகுலேஷன் கல்லூரியில் இணைய போகும் இந்திய மாணவர்களின் எண்ணிக்கையை 2200 ஆக இருக்க வேண்டும்.

ஆனால் 10A பெற்ற மாணவர்களுக்கு கூட மெட்ரிகுலேஷன் கல்லூரியில் வாய்ப்பு மறுக்கப்பட்டுள்ளது. இச்சமுதாயத்தின் தலையில் இடியை இறக்கி உள்ளது. மீண்டும் பழைய குருடி கதவை திறடி என்பதைப்போல பழைய நிலைமைக்கே நாம் திரும்பி விட்டோம். இப்போது மெட்ரிகுலேஷன் கல்லூரியில் மறுக்கப்பட்ட வாய்ப்பை யார் மூலம் மீண்டும் பெற முடியும் என்பது குறித்து கூட சிந்திக்க முடியாமல் இச்சமுதாயம் மிகப்பெரிய இக்கட்டான சூழ்நிலையில் இருக்கின்றது.

அந்தந்தத் துறைகளின் பிரச்சனைகளை அந்தந்தத் துறைகளின் அமைச்சர்கள் மட்டுமே தீர்வு காண வேண்டும் என்பதில் பிரதமர் மகாதீர் உறுதியாக இருக்கின்றார். இப்போது இந்த விவகாரத்தை கல்வியமைச்சர் தீர்க்க போகிறாரா? அல்லது இந்திய சமுதாயத்தை பிரதிநிதித்து அமைச்சரவையில் இடம்பெற்றுள்ள 4 அமைச்சர்கள் உட்பட ஒரு துணை அமைச்சர் தீர்வு காண்பாரா? என்ற கேள்வி எழுந்துள்ளது.

மெட்ரிகுலேஷன் கல்லூரியில் வாய்ப்பு கிடைக்காத இந்திய மாணவர்கள் மித்ராவை தொடர்பு கொள்ளுமாறு கூறப்படுகின்றது. மேல்முறையீட்டு விண்ணப்பங்கள் மே இறுதியில் அல்லது ஜூன் மாத பதிவின் போது தான் ஏற்றுக் கொள்ளப்படும். அதற்கு முன்னதாக இரண்டு மாதங்கள் போதிக்கப்பட்ட பாடத் திட்டங்கள் அனைத்தையும் இவர்கள் சேர்த்து கற்க வேண்டும். இது மாணவர்களுக்கு எவ்வளவு பெரிய சுமையை ஏற்படுத்தும் என்று இந்த விவகாரம் குறித்து ஆரம்பத்தில் குரலெழுப்பிய இப்போதைய தலைவர்களுக்கு தெரியவில்லையா? என்ற கேள்வியை இந்திய சமுதாயத்தினர் முன்வைக்கின்றார்கள்.

யார் இதற்கு தீர்வு காண போகின்றார்? இவ்வாண்டுக்கான மெட்ரிகுலேஷன் வாய்ப்பில் எத்தனை இடங்கள் இந்திய சமுதாய மாணவர்களுக்கு வழங்கப்பட்டன? எத்தனை மாணவர்கள் தங்களுக்கான இடத்தை ஏற்றுக்கொண்டார்கள்? கடந்த அரசு வழங்கிய 1,500 மெட்ரிகுலேஷன் இடங்கள் நிரப்பப்பட்தா? கடந்த பொதுத் தேர்தலுக்கு முன்னதாக வழங்கிய கூடுதலான இட ஒதுக்கீட்டின் நிலை என்ன?

இத்தனை கேள்விகளையும் நெஞ்சில் சுமந்து மீண்டும் பழைய நிலைக்கு திரும்பியுள்ளது இந்திய சமுதாயம். இந்தியர்களின் பிரச்சனைக்கு நேரடியாக தீர்வு காண வேண்டும் என்பதற்காகத்தான் பிரதமர் துறையின் கீழ் இந்திய விவகாரங்களுக்கான சிறப்பு அமலாக்கப் பிரிவு டத்தோஸ்ரீ நஜிப் தலைமையில் தொடங்கப்பட்டது.

நேரடியாக இந்தியர்களும் பிரச்சினையை அறிந்து கொள்ள வேண்டும் என்பதை கருத்தில் கொண்டு தொடங்கப்பட்ட இந்த அமலாக்கப்பிரிவு பல்வேறு பிரச்சனைகளுக்கு தீர்வு கண்டது. இப்போது இந்திய சமுதாயத்தின் பிரச்சினையை யார் தீர்ப்பது? ஆட்சி மாறியது என்ற மகிழ்ச்சியில் இருந்தோம் ஆனால் இப்போது நமது பிரச்சனைக்கு யார் தீர்வு காண்பார் என்ற மிகப்பெரிய கேள்விக்கு விடை தெரியாமல் விழிபிதுங்கி நிற்கிறோம்.

2

ஹாராப்பான் ஆட்சியில் மெட்ரிக்குலேசன் சேர்ப்பில் இந்திய மாணவர்கள் திட்டமிட்டுப் புறக்கணிப்பா?
By
Editor –
April 16, 2019

தேசிய முன்னணி ஆட்சியில் ம இ கா முன்வைத்த கோரிக்கையை ஏற்று 2200 மாணவர்களுக்கு மெட்ரிக்குலேசன் நுழைவில் இடமளிக்கப்பட்டது.

ஆனால் அந்த எண்ணிக்கையை நிறைவுச் செய்யக்கூடிய அளவுக்கு நமது மாணவர்கள் எண்ணிக்கை குறைவானதற்கு நிறைய காரணங்கள் இருந்தன.

முன்னாள் பிரதமர் நஜிப்பால் அன்று வெற்றிக்கரமாக அமல்படுத்த முடிந்தது.

இன்றைய பக்கத்தான் அரசுதான் நமது மாணவர்களைப் புறக்கணித்து வருகிறது. முன்னைய மகாதீர் காலத்தில் அடைக்கப்பட்ட கதவு நஜிப் காலத்தில் மீண்டும் திறக்கப்பட்டது.

அதே மகாதீர் மீண்டும் பி்ரதமரானதால் மீண்டும் அதே கதவு அடைக்கப் படுவதொன்றும் பெரிய விசயமல்லவே?

அன்றைக்கு ம இ கா வின் ஒரே மந்திரியால் சாதிக்க முடிந்ததை இன்றைக்குள்ள நான்கரை மந்திரிகளால் எதையும் சாதிக்க முடியவில்லையே ஏன்? ஆட்சி மாற்றம், அரசியல் மாற்றம் எந்தளவுக்குக் கொண்டுப்போய் இந்திய சமூகத்தை நிறுத்தியிருக்கிறது என்பதை எண்ணிப்பார்க்க வேண்டியுள்ளது.

11 பாடங்களில் முமுத்தேர்ச்சிப்பெற்ற மாணவர்களுக்கூட புறக்கணிப்பு் நடைபெற்றுள்ளது.

தேசிய முன்னணி ஆட்சியில் வழங்கப்பட்ட மெட்ரிக்குலேசன் புள்ளிவிபரங்களைக் காணலாம்!

2

15/4/19

14/4/19

24/3/19

15/3/19

14/3/19

13/3/19

12/3/19

தமிழ்ப்பள்ளி தலைமையாசிரியர் மன்றம் தமிழை புறகணிக்கிறதா?

தமிழ் மொழி இல்லாத தமிழ் விழா அறிவிப்பு அறிக்கையை வெளியிட்டுள்ள தேசிய தமிழ்ப்பள்ளி தலைமையாசிரியர் மன்றத்தின்போக்கு கண்டனதிற்கு உரியது என்கிறார் வல்லினத்தின் இணைய இதழ் ஆசிரியர் ம. நவீன்.

மலேசியத் தமிழ்ப்பள்ளி மாணவர்களுக்காக வருடம் தோறும் நடத்தப்படும் மொழிப் போட்டிக்களுக்கான அறிக்கை இவ்வாண்டும் மலாய் மொழியில் தயாரிக்கப்பட்டுள்ளது மலேசியத் தமிழ்ப்பள்ளி ஆசிரியர்களிடையேயும் அதிருப்தியை ஏற்படுத்தியுள்ளதாக தெரிகிறது.

கடந்த ஆண்டு இதேபோன்று மலாய் மொழியில் திருக்குறள் மனனப் போட்டி, பேச்சுப்போட்டி, கட்டுரைப்போட்டி ஆகியவற்றுக்கான தலைப்புகளும் விதிமுறைகளும் மலாய்மொழியில் இருந்தபடியால் மாணவர்களும் பயிற்றுவிக்கும் ஆசிரியர்களும் குழப்பத்திற்கு உள்ளான சூழலில் இவ்வாண்டும் அது தொடர்வதை கடுமையான கண்டனத்துக்குரியது என்கிறார் நவீன்.

“தேசிய தலைமையாசிரியர் மன்றத்தால் தயாரிக்கப்படும் இந்த அறிக்கை தமிழ்ப்பள்ளிக்காகவும் அதில் பயிலும் தமிழ் மாணவர்களுக்காகவும் அவர்களின் புரிதலுக்காகவும் என்றால் அதில் ஏன் தமிழ் மொழி இல்லை”

“இதே அறிக்கையில் ஆங்கில மொழிக்கதைச் சொல்லும் போட்டிக்கான விதிகள் ஆங்கில மொழியிலேயே தயாரிக்கப்பட்டுள்ளது” என்கிறார் நவீன்.

அதோடு இடைநிலைப்பள்ளிகளுக்கான அறிக்கைக்கையும் கண்டனதிற்குரியது என்கிறார். அங்கும் இதே நிலை தொடர்வதையும் இதனால் மாணவர்களைத் தயார்ப்படுத்தும் ஆசிரியர்களுக்குப் பல்வேறு குழப்பங்கள் ஏற்படுவதாகக தெரிவித்துள்ளார்.

தனித்த கலைச்சொற்களைக் கொண்டுள்ள தமிழின் இலக்கியப் போட்டிகள் மலாயில் அறிவிக்கப்பட்டுள்ள சூழலில் தேசிய தலைமையாசிரியர் மன்றம் எவ்வாறான மாற்று நடவடிக்கை எடுக்க உள்ளது என தமிழ் பற்றுள்ள ஆசிரியர்கள் எதிர்ப்பார்த்துக்காத்திருக்கின்றனர் என்கிறார் நவீன்.

மேலும் இது சார்பாக உள்ள சர்ச்சைகளை கீழ்கண்டவாறு விளக்குறார் நவீன்.

இரண்டு சர்ச்சைகள்

தேசிய தமிழ்ப்பள்ளி தலைமையாசிரியர் மன்றத்தின் ஏற்பாட்டில் ஒவ்வொரு வருடமும் தமிழ்மொழிப் பேச்சுப் போட்டிகள் நடைபெற்று வருகின்றன. முதலில் வட்டார ரீதியில் போட்டிகள் நடைபெற்று அதில் வெற்றி பெறும் மாணவர்கள் மாநில அளவில் நடக்கும் போட்டியில் பங்கேற்பர். அதில் தேர்வு பெறுபவர் மாநிலத்தைப் பிரதிநிதித்து தேசிய அளவில் நடக்கும் பேச்சுப்போட்டியில் கலந்துகொள்வார்கள். இப்படி நடக்கும் போட்டியில் பல்வேறு சர்ச்சைகள் எழுந்து அடங்குவதுமுண்டு. அதில் அடிப்படையான சர்ச்சைகள் இரண்டு.

நீதிபதிகளின் முடிவே இறுதியானது

முதலாவது, பேச்சுப் போட்டியில் பங்கெடுக்கும் மாணவனின் தொனி, மொழி, பாவனை போன்றவற்றில் பார்வையாளர்களுக்கு மாறுபட்ட கருத்துகள் இருந்தாலும் நடுவர்களின் முடிவே இறுதியானதாக இருக்கும்போது ஏற்படும் சலசலப்பு. இதற்கு தீர்வு கிடையாது. ஒவ்வொருவரும் தங்கள் பார்வையில் ஒவ்வொன்றை சிறந்தது என தர்க்கம் செய்ய வாய்ப்புண்டு. ஒருவகையில் அது ரசனை அடிப்படையிலானது. ரசனை என்பது அரூபமானது. எனவே நீதிபதிகளின் முடிவே இறுதியானதாக இருப்பதில் தலையீடு செய்ய முடியாது.

போலி அறிவு வாதம் பரிசை வெல்வது

இரண்டாவது, பேச்சுப் போட்டியில் படைக்கப்படும் உரையின் உள்ளடக்கம் சார்ந்தது. இது நிச்சயம் அறிவுள்ள யாரும் தலையிடுவதற்குரியதுதான். தவறான தரவுகள், பொருந்தாத உதாரணங்கள், முரணான உவமைகள் போன்றவற்றை பகுத்து அறியும் ஆற்றலுள்ள நீதிபதி இல்லாவிட்டால், தவறான கருத்துகள் அடங்கிய உரைக்கு அது படைக்கப்பட்ட தோரணையின் காரணமாக பரிசு கிடைப்பது கண்டனத்துக்குரியது. எது தவறான கருத்து என அறிந்துகொள்வதற்கு முயலாமல் கைதட்டும் கூட்டத்திற்கு மத்தியில் எப்போதுமே போலி அறிவு வாதம் உற்சாகமாக சத்தமிடுவதைக் காலகாலமாக பார்த்து சலித்துவிட்டது.

தமிழ்க்கல்வி சார்ந்த பல தளங்களின் மேம்போக்கான பார்வையும் அடிப்படை புரிதலற்ற தட்டையான சிந்தனையும் வளரும் மாணவர்களின் அறிவில் நஞ்சைக் கலப்பதுதான் வருத்தத்திற்குரியது என்கிறார் நவீன்.

22/2/19

21/2/19

20/2/19

19/2/19

15/2/19

14/2/19

13/2/19

11/2/19

9/2/19

7/2/19

17/1/19

10/01/2019

6/1/19

5/1/19